Biteye agahinda: umugeni yapfuye mu ijoro rya mbere ubwo yateraga akabariro

UMUGORE W’IMYAKA 18 wo muri Brezil yapfuye ubwo yari arimo akora imibonano mpuzabitsina mu ijoro ry’ubukwe bwe nyuma yo kurwara umutima akananirwa guhumeka.Ikinyamakuru The sun cyavuze ko uyu mugeni ukiri muto yarimo arangiza ubukwe bwe n’umugabo we mushya w’imyaka 29, ubwo yatangiraga kumererwa nabi bari mu gikorwa cyo gutera akabariro.

Amakuru avuga ko bahamagaje imbagukiragutabara yahagera, bakemeza ko uwo mugeni afite ikibazo cy’umutima, kuko atabashaga no guhumeka. Bihutiye kumujyana kwa muganga ariko apfira mu nzira bataramugezayo.

Umugabo we yatangaje ko afite intimba yatewe no kubura umukunzi we witabye Imana bataramarana n’ijoro rimwe. Yavuze ko amakosa yose ayashinja abashinzwe gutanga imbagukiragutabara, kuko iyo ihagerera igihe wenda bitarikuba byagenze nabi.