Social Mula
Myugariro wo hagati mu Ikipe y’Igihugu Amavubi, Manzi Thierry yamaze gusinyira ikipe ya AS Kigali amasezerano y’amezi atandatu azarangirana n’umwaka w’imikino wa 2022-2023.
Uyu myugariro yari amaze igihe kinini adafite ikipe nyuma yo gutandukana na AS FAR Rabat ibarizwa muri shampiyona y’Icyiciro cya Mbere mu gihugu cya Morocco.
Mu gitondo cyo kuri uyu wa Mbere tariki 6 Gashyantare 2023, nibwo umunyamakuru Sam Karenzi yatangaje ko Manzi Thierry yamaze gusinyira AS Kigali itozwa na Cassa Mbungo Andre.
Manzi Thierry yakiniye amakipe atandukanye arimo Marines FC, Rayon Sports, APR FC, FC Dila Gori yo muri Georgia na AS FAR Rabat yo muri Morocco ari nayo aherukamo.
