Bebe Cool ari mu Rwanda

Moses Ssali wamamaye nka Bebe Cool ari i Kigali mu Rwanda muri gahunda zijyanye n’ibikorwa bye birimo umuziki.

Uyu muhanzi usanzwe ukorera umuziki we muri Uganda, Amakuru aravuga ko yageze mu Rwanda ku Cyumweru tariki 19 Ugushyingo aje mu bikorwa bitandukanye nk’uko Kintu Mohamed ureberera ibikorwa bya Bebe Cool mu Rwanda yabyemereye Igihe.

Bebe Cool w’imyaka 46 y’amavuko ni umwe mu banyamyziki bakomeye muri Afurika by’umwihariko muri East Africa bitewe n’uburambe afite mu muziki kuva mu 1997 awukorera muri Kenya.