Ayra starr yahakanye yivuye inyuma ibyo gukundana n’umuhanzi ukunzwe n’abatari bake muri Nigeria

Umuhanzikazi Ayra Starr yateye utwatsi ibyari bikomeje kuvugwa ko yaba ari mu rukundo n’umuhanzi Rema, ndetse anahishura ko amufata nk’umuvandimwe.

Mu kiganiro Ayra Starr yagiranye na radiyo yo muri Kenya yitwa Kiss FM, yahakanye aya makuru y’urukundo rwe na Rema. Ayra Starr yagize ati: ”Uko mwabibonye nanjye niko nabibonye.

Sinzi uwazanye ariya makuru ariko siyo. Nabanje kugira ngo ni urwenya abafana banjye na Rema bari gutera, nyuma mbona byakwiriye ahantu hose”.

Yakomeje agira ati: ”Kuba nkunda Rema ndamukunda, ariko mukunda nk’umuvandimwe. Mufata nka musaza wanjye nubaha.

Ni umuntu dukunze kuganira, kandi anangira inama. Ntabwo umubano wacu umeze nk’uko abantu biri kubibona.

Ayra Starr yahishuye ko nta mukunzi afite kandi ko nta n’uwo ashaka kuko ataribyo ashyize imbere.