Kubwayo Mc croix
Ikipe ya Arsenal yakoze ibyo yari yitezeho ubwo yanyagiraga Sporting CP ibitego 5-1 ku kibuga cya Estadio Jose Alvalade mu ijoro ryo kuri uyu wa Kabiri, tariki ya 26 Ugushyingo 2024.
Uyu mukino watangiye Arsenal iyobora neza umukino, maze ku munota wa 17, Gabriel Martinelli afungura amazamu ku mupira mwiza wari uhinduwe na Jurrien Timber. Nyuma y’iminota 5 gusa, Bukayo Saka yahaye umupira Kai Havertz atsinda igitego cya kabiri ku munota wa 22.
Igice cya mbere cyasojwe na Gabriel Martinelli wongereye igitego cya gatatu ku mutwe ku mupira wa koruneri yatewe na Declan Rice. Sporting CP yagerageje kwishyura mu gice cya kabiri, aho Goncalo Inacio yatsinze igitego cyayo cya mbere ku mupira wa Francisco Trincao.
Arsenal yakomeje kwihagararaho, Bukayo Saka yatsinze penaliti ku munota wa 65 nyuma y’ikosa rikorewe Martin Odegaard. Ku munota wa 82, Leandro Trossard yasoje intsinzi ya Arsenal atsinda igitego cya gatanu.
Mu yindi mikino, AC Milan yatsinze Slovan Bratislava ibitego 3-2, Atlético Madrid itsinda Sparta Prague 6-0, naho FC Barcelona yatsinda Brest ibitego 3-0. FC Bayern Munich yatsinze PSG 1-0 mu mukino wari ukomeye.
