Aracyarimo! Mu mafoto twinjirane mu mukino Cristiano Ronaldo yaraye atsindiyemo igitego cye cya mbere muri shampiyona ya gatanu ari gukina

Ikipe ya Al Nassr isigaye ikinwamo na Cristiano Ronaldo mu ijoro rya keye yabashije kwikura imbere ya Al Fateh ubwo izi kipe zanganyaga ibitego bibiri kuri bibiri mu mukino wa shampiyona ya Arabia Saudite.
Muri uwo mukino nibwo kizigenza Cristiano Ronaldo yaraye atsinze igitego cye cya mbere muri shampiyona ya Arabia Saudite kikaba n’igitego yaratsinze muri buri shampiyona eshanu amaze gukina zose. Cristiano Ronaldo yakinnye muri shampiyona ya Portugal, u Bwongereza, Espagne,u Butariyani na Arabia Saudite ari gukinamo ubu.
Ejo rero byamusabye iminota 93 ngo ashobore gutsinda igitego cye cya mbere muri shampiyona ya Arabia Saudite. Mu mukino ikipe akinira ya Al Nassr yanganyaga na Al Fateh ibitego bibiri kuri bibiri. Ku ruhande rwa Al Fateh batsindiwe na Tello ku munota wa 12 ndetse na Bendeka ku munota wa 58. Mu gihe Al Nassr, Ronaldo akinira batsindiwe na Talisca ku munota wa 42 ndetse na Cristiano Ronaldo ku munota wa 93 kuri penaliti.
AMAFOTO: