Social Mula
Amasaha arabarirwa ku ntoki ngo rwambikane hagati ya APR FC na Rayon Sports kuri iki Cyumweru tariki 12 Gashyantare 2023.
Kuri ubu Ikipe y’Ingabo z’Igihugu iri kubarizwa mu Karere ka Huye ikaba yanahakoreye imyitozo ku kibuga izakiniraho uyu mukino.
Ni imyitozo ya nyuma mbere yo guhura na Rayon Sports abakinnyi ba APR FC bose bakaba bakoze iyi myitozo dore ko nta n’umwe ufite ikibazo cyamubuza gukina kandi bakaba biteguye gutanga imbaraga zose mu kibuga ngo begukane amanota atatu.
Urutonde rw’abakinnyi 11 ba APR FC bashobora kuzabanza mu kibuga
Umuzamu : Ishimwe Jean Pierre
Ba myugariro : Omborenga Fitina, Niyomugabo Claude, Niyigena Clement na Buregeya Prince.
Abo hagati : Mugisha Bonheur, Ruboneka Jean Bosco na Manishimwe Djabel ©.
Ba rutahizamu : Byiringiro Lague, Bizimana Yannick na Niyibizi Ramadhan.
Ikipe y’Ingabo z’Igihugu iheruka gutsindwa na Rayon Sports tariki 21 Mata 2019, icyo gihe Gikundiro yatsinze Gitinyiro igitego kimwe ku busa cyabonetse ku munota wa nyuma gitsinzwe na Michael Sarpong kuri penaliti nyuma y’ikosa Imanishimwe Emmanuel myugariro wa APR FC yakoreye kuri Mugisha Gilbert wari mu rubuga rw’amahina.
