Social Mula
Ikipe ya APR FC itozwa na Mohammed Adil Erradi yamaze kubabarira abakinnyi batatu muri batanu bari bafatiwe ibihano byo kumanurwa mu Intare FC bitewe n’uko urwego rwabo rw’imikinire rwasubiye hasi.
Abakinnyi bari barahanwe ni Nsanzimfura Keddy, Ishimwe Annicet, Byiringiro Lague, Nsengiyumva Ir’Shad na Nizeyimana Djuma.
Amakuru yizewe ahari ni uko abakinnyi bahawe imbabazi ari Byiringiro Lague, Nsengiyumva Ir’Shad na Nsanzimfura Keddy, mu gihe Ishimwe Annicet na Nizeyimana Djuma bo bazaguma mu Intare FC.
Ikipe y’Ingabo z’Igihugu iheruka gusezererwa na US Monastir FC yo muri Tunisia mu ijonjora ry’ibanze rya CAF Champions League, iyi kipe ikaba igomba gukomeza shampiyona y’Icyiciro cya Mbere izasubukurwa mu ntangiriro z’ukwezi gutaha.
