Epaphrodite Nsengimana
Hashize amezi make mu Rwanda humvikanye inkuru ya Dr Kanimba Vincent wamenyekanye mu kuvura indwara z’abagore, aho yatabarizaga asaba ubufasha bwo kwivuza kubera ko yari arembye cyane.
Amakuru ahari meza ni uko Dr Kanimba, ubu ari kwitabwaho n’abaganga mu Buhinde, ku wa Gatanu tariki 30 Kamena 2023, nibwo yagiye muri iki gihugu kizwiho kugira ubuvuzi buteye imbere akaba ari kwitabwaho.
Dr Kanimba arwaye indwara yitwa ‘Parkinson’, ifata iminsi igatuma umuntu asusumira/atitira kandi yari yatangaje ko ubuvuzi bwayo buhenze cyane.
Mbere y’uko ahaguruka mu Rwanda ajya kwivuza mu Buhinde, Dr Kanimba yari yabwiye umunyamakuru wa Isimbi Tv ko yakiriye miliyoni 30 zatanzwe n’abagiraneza.
Andi makuru meza kandi ni uko aho ari kwivuriza, Leta y’u Rwanda yemeye kuzamwishyurira buri mafaranga yose ajyanye n’imiti.
Iyo ni inkuru nziza ku muntu wese wumva ko Muntu yaremwe mu ishusho y’Imana. Abantu bakoze iki gikorwa cyo gutabariza no gutabara uyu muganga Kanimba; Imana ibongerere aho mwakuye izahabasubirize inshuro (70*7) kandi n’ubuyobozi bw’igihugu cyacu turabashimiye by’umwihariko. Imana idufashe kandi idusesekaze twese umugisha wayo.
Najye ndwaye ubwo burwayi ariko bumereye nabi kwandika nikibazo gufata igikombe unkwa ichai mba ndimo gutitira najye munfashije mwansabira ubufasha nkivuza kyangwa Niba inaha haraho nakwivuza kuri mituweri mwambariza nkazajyayo murakoze