Amakuru mashya: Ikipe ya Kiyovu Sports yamaze gusinyisha umwataka mushya kuva mu gihugu cya Congo

Ikipe ya Kiyovu Sports ibarizwa mu mugi wa Kigali yamaze gusinyisha umwataka mushya avuye mu gihugu cya Congo.

Benjamin Kasongo Lokando ni we mukinnyi ikipe ya Kiyovu Sports yasinyishije, akazatangirana n’igice cya kabiri cya shampiyona.

Uyu musore afite imyaka 24 y’amavuko, akaba yakinaga mu gihugu cya Congo.

Benjamin Kasongo Lokando kandi ni umuvandimwe wa Bigirimana Abedi na we ukinira ikipe ya Kiyovu Sports.

Amakuru ahari avuga ko uyu mukinnyi ari we uguzwe amafaranga menshi muri shampiyona y’u Rwanda gusa ariko ayo mafaranga ntago yatangajwe.

Amakipe yose yo mu Rwanda akomeje kugenda yiyubaka mbere y’uko isoko ry’igura n’igurisha rifunga imiryango, rirafunga kuri uyu wa gatanu tariki ya 28 Mutarama 2022 saa sita z’ijoro.