THIERRY Mugiraneza
Umupira w’amaguru ni umwe mu mikino ikunzwe cyane ku isi yose byagera ku rukundo abafana b’imihanda y’isi bakunda amakipe y’i Burayi ho bikagera ku rundi rwego.
Urwo rukundo rero amakipe yo ku mugabane w’i Burayi akundwa n’abenshi nayo amenya kuyabyazamo agatubutse cyane , binyuze mu kugurisha imyenda, kwamamaza ndetse n’amafaranga yinjira avuye mu baje mu masitade kureba imikino.
Umwaka wa 2022 wasize amakipe akina Championa 5 zikomeye i Burayi yongeye kwiyubaka mu kwinjiza akayabo bitewe n’igabanuka ry’icyorezo cya COVID-19 cyari cyaraciye abafana mu masitade.
Muri iyi nkuru tugiye kugaruka ku makipe 10 ya mbere y’injije amafaranga menshi kurusha andi yose muri 2022 mu makipe akina muri Championa eshanu zikomeye ku mugabane w’Iburayi nk’uko byatangajwe n’ikinyamakuru The Deloitte Football Money League.
Dore uko amakipe 10 akurikirana ku rutonde rwa 2022.of
10. Arsenal ikina Premier League yinjije miliyoni 367.1 z’Amapawundi.
9. Tottenham ikina Premier League yinjije miliyoni 442.8 z’Amapawundi.
8. Chelsea ikina Premier League yinjije miliyoni 481.3 z’Amapawundi.
7. Barcelona ikina La Liga yinjije miliyoni 540.5 z’Amapawundi.
6. Bayern Munich ikina Bundesliga y’Abadage yinjije miliyoni 553.5 z’Amapawundi.
5. Paris Saint-Germain ikina Ligue 1 y’u Bufaransa yinjije miliyoni 554 z’Amapawundi.
4. Manchester United ikina Premier League yinjije miliyoni 583.2 z’Amapawundi.
3. Liverpool ikina Premier League yinjije miliyoni 594.3 z’Amapawundi.
2. Real Madrid ikina La Liga yo muri Espagne yinjije miliyoni 604.5 z’Amapawundi.
1.Manchester City ikina Premier League y’u Bwongereza yinjije miliyoni 619.1 z’Amapawundi.
