Kubwayo Mc croix
Victoria Kjær Theilvig, umunyamideli w’imyaka 21 wo muri Denmark, yanditse amateka aba umunya-Denmark wa mbere wegukanye ikamba rya Miss Universe mu birori byabereye mu mujyi wa Mexico muri Mexique. Theilvig, usanzwe ari umubyinnyi, rwiyemezamirimo, ndetse n’umunyamategeko, yatsinze abandi bakobwa 126 bari bahataniye iryo kamba.
Igisonga cya mbere yabaye Chidimma Adetshina wo muri Nigeria, wanyuze mu rugendo rukomeye nyuma yo kwamaganwa mu irushanwa rya Miss South Africa kubera gushinjwa kwinjira muri Afurika y’Epfo mu buryo butemewe. Yaje kubona itike yo guhagararira Nigeria, aho yerekanye ubushobozi bwamugejeje ku mwanya wa kabiri.
Maria Fernanda Beltran wo muri Mexique yabaye igisonga cya kabiri, akurikirwa na Suchata Chuangsri wo muri Thailand na Ileana Marquez Pedroza wa Venezuela. Pedroza yabaye umugore wa mbere ufite abana wahawe amahirwe yo guhatana, mu gihe ari bwo bwa mbere abarengeje imyaka 28 bemerewe muri iri rushanwa.
Ikamba rya Miss Universe ryari risanzwe rifitwe na Sheynnis Palacios wo muri Nicaragua.
Amafoto yaranze umuhango wo kwambika ikamba Miss Universe
