Amabaruwa yuzuye imitoma Barack Obama yandikiranaga n’umukunzi we mbere yo kurongora Michelle Obama yagiye ahagaragara

Amabaruwa y’urukundo Barack Obama yandikiraga umukunzi we ubwo yari akiri umusore yahishuye impungenge yari afite kw’ironda ruhu n’ubusumbane mu bukungu.

Izi baruwa zandikishijwe intoki ,Obama yazandikiraga inshuti ye Alexandra Mcnear bahuriye mu mugi wa Calfonia ubwo yari akiri muto .

Zimwe muri zo zabaga zikubuyemo ubuzima bubi yabagamo n’akazi yakoraga atakundaga. Izi baruwa zasanzwe munzu y’isomero ya kaminuza ya Emory mu mwaka wa 2014, iyi akaba ariyo nshuro ya mbere zicapwe.

Umuyobozi w’iri somero Rosemary Magee yavuzeko zanditse neza kandi zinagaragaza uyu musore uwo yari we zikanagaragaza ibibazo abanyeshuri bose bakunze guhura nabyo.

Zimwe muzo yanditse yagize ati ” Ndizerako uzi neza ko nifuza kukubona kandi ko urujijo rwange kuri wowe ari rwinshi nk’umuyaga,icyizere nkugirira ni nk’isoko y’inyanjya,kandi urukundo ngukunda ni ntagererenwa”. Nyuma yogushyiraho sinya yongeraho ko urukundo rw’abatari kumwe ntaho rugera.

Mu mwaka 1983 yongeye kumwandikira agira ati “Ngutekereza buri kanya ariko nkahangarikishwa n’ibyiyumviro byanjye, biragaragara ko dushaka icyo tutazabona aricyo kiduhuza kandi ari nacyo kidutandukanya”.

Mu ibaruwa imwe Obama yanditse ku nshuti ze ziteguraga gutangira ubuzima cyangwa guhagararira ubucuruzi bw’imiryango yazo.

Nubwo yari yaravukiye muri Hawai na papa we akaba yarakomokaga mu gihugu cya Kenya, ubwo yari umusore ngo yashimishwaga no kwibera mu gihugu cya Indonesia.

Barack Obama yakuze y’umva azakora imishinga iciriritse nyuma nyuma nibwo yaje kwisanga ari guhatanira umwanya w’umukuru w’igihugu cy’Amerika,ndetse aza no gutsinda amatora aba Perezida wa Amerika.