HARAGIRIMANA Dieudonne
Mbere yuko habura iminsi itagera kuri 15 ngo umukino wa nyuma uhuza amakipe yabaye ayambere iwayo ugere, uwo mukino ukaba uzahuza ikipe ya Real Madrid yo mu gihugu cya Espagne ndetse na Juventus yo mu gihugu cy’ubutaliyani, abakinnyi ba Real Madrid barangajwe imbere na Cristiano Ronaldo na Sergio Ramos kapiteni w’iyi kipe batangije urugamba rwo kugambanira mugenzi wabo Gareth Bale ngo ntazabanze muri uyu mukino.
Amakuru dukesha ikinyamakuru AS cyandikira muri Espagne aravuga ko abakinnyi b’ikipe ya Real Madrid barimo Cristiano Ronaldo, Ramos, Modric, Benzema na Marcelo babwiye umutoza wabo Zinedine Yazid Zidane ko kumukino wanyuma wa UEFA CHAMPIONS LEAGUE agomba kubanza mu kibuga umukinnyi Francesco Isco aho kubanzamo Gareth Bale bitewe nukuntu mu mikino yose iheutse Isco yabafashije kubona ibitego kuburyo bugaragara bityo bakaba bifuza gukinana nawe kuri uyu mukino wanyuma. Ibi bikaba byahise byica inzozi za Gareth Bale wari waravuze mbere yuko iri rushanwa ritangira ko azakora ibishoboka byose akageza ikipe ye kumukino wanyuma kugirango azawukinire imbere y’abafana b’iwabo na bene wabo muri rusange.
