Akumiro: Agahinda gakomeye gatashye mu ikipe ya Liverpool mbere y’amasaha make ngo bakine na Arsenal

Ku isaha ya saa kumi n’imwe z’i Kigali nibwo ikipe ya Liverpool iza kwakira ikipe ya Arsenal mu mukino ukomeye wa Champiyona uri bubere i Merseyside mu mugi wa Liverpool kuri Stade Anfield, gusa mbere y’umukino amakuru avuye mu buyobozi bw’ikipe ya Liverpool ababaje bikomeye abafana nkuko tubikesha ikinyamakuru Sky Sports.

Sky sports nkuko izindutse ibitangaza, ubuyobozi bw’ikipe ya Liverpool bwemeye ko bugiye gutangira kugirana ibiganiro byihuse n’ikipe ya Fc Barcelona ku mukinnyi philippe Coutinho kuburyo ku mafaranga miliyoni 135 z’amayero batanze bwayemera bukarekura uyu mukinnyi wongeye amasezerano mu kwezi kwa mbere k’uyu mwaka. Uyu mukinnyi nawe akaba asabwa guhita yohereza transfer request, ubwumvikane hagati y’amakipe yombi bwakwemera uyu mukinnyi akaba yagenda mbere y’ifungwa ry’isoko. Abafana b’ikipe ya Liverpool bakaba bababajwe n’iki cyemezo kuko bari baramaze kwizera ko bazagumana n’uyu munya Brasil ubafatiye runini.