Uwihirwe
Aho umutindi yanitse ntiriva koko! Titi Brown agiye gusubizwa mu rukiko bishobora no kumuviramo gusubizwa muri gereza
Iminsi si myinshi iciyeho umubyinnyi Titi Brown, ubucamanza vwemeje ko agizwe umwere ndetse ko agomba kurekurwa.
N’ibyo koko yararekuwe gusa Ubushinjacyaha bwahawe iminsi 30 yo kujurira icyemezo cyafashwe n’urukiko.
Ubushinjacyaha bwujuririye iki cyemezo kuko buvuga ko Umucamanza yirengagije ibimenyetso byatanzwe.
Ubushinjacyaha bwasabye Urukiko ko rwakongera gusuzuma no kwemeza ko ibimenyetso bishinja Ishimwe Thierry bifatika kuko nta gushidikanywa kirimo.
Ubushinjacya bwavuze ko Urukiko rwatesheje agaciro imvugo z’urega (nyina w’umwana wahohotewe) ngo kuko yavuze ibyo yabwiwe n’umwana.
Ubushinjacyaha busanga Urukiko rutaragaragaje inenge iri mu mvugo y’urega kuko bisanzwe ko urega aba ahagarariye umwana kandi atari we wahohotewe.
Ubushinjacyaha kandi buvuga ko urukiko rwisumbuye rwirengagije ikimenyetso cy’amashusho yatanzwe agaragaza umwana wahohotewe ari kumwe n’uregwa.
Ubu bujurire byramutse bwemewe, urega agatsinda uregwa ntakabuza Titi Brown yakatirwa agasubira i Mageragere.
