Agashya: Umukinnyi ukomeye wa Manchester United yahawe ubupadiri

Ubusanzwe biragoye kubona umukinnyi w’umupira w’amaguru unemera gusenga mu madini atandukanye ndetse n’abagiye bagaragara iyo mpano yo kwemera Imana no gusenga birushijeho bagiye batangarirwa cyane. Urugero ninka Kaka w’umunya Brasil wasoje ruhago akajya mu bikorwa by’iyogezabutumwa, gusa uwahoze akinira ikipe ya Manchester United Philip Mulryne  akaba yahawe ubupadiri kuri iki cyumweru.

Inkuru tuvana ku kinyamakuru cya BBC iravuga ko uyu mugabo Philipp yahawe ubupadiri kuri iki cyumweru, nyuma y’inkuru twabagejejeho ubushize ivuga ko uyu mugabo yari yahawe ubu diyakoni mu kwezi kwa cumi umwaka wa 2016. Akaba yarabuhawe na Musenyeri Joseph Augustine Di Noia wo mu gihugu cy’ubutaliyani.