Agahinda ka Cristiano Ronaldo uri mubihano gakomeje kwiyongera ubutitsa

Rutahizamu w’ikipe ya Real Madrid Cristiano Ronaldo nyuma yo gukora ikosa rigayitse ryo gusunika umusifuzi mu kibuga bikamuviramo guhabwa ikarita itukura mu mukino wabahuje n’ikipe ya Fc Barcelona mu gikombe cya Super Cup cyo muri Espagne, uyu musore byaje kumuviramo guhanwa imikino itanu adakandagira mu kibuga, kurubu agahinda kuyu mugabo ko kureba abandi bakina we yicaye gakomeje kwiyongera.

Uyu musore ku munsi wo kuwa mbere w’iki cyumweru nibwo yahamagaye umuyobozi w’akanama gashinzwe imyitwarire ajurira ku cyemezo yari yafatiwe gusa ubujurire bw’uyu mukinnyi bukaba ntacyo bwatanze nkuko tubikesha ikinyamakuru AS uyu musore akaba agomba kwicara agategereza ko ibihano yafatiwe birangira mu gihe yari yamaze kwizeza umutoza Zinedine Zidane w’ikipe ya Real Madrid ko yizeye kuzahabwa imbabazi akaba yagaruka muri iyi weekend ku mukino Real Madrid ifite muri Champiyona.