Adil yanze kurekura! Ikirego cy’umutoza Adil Erradi Mohammed wareze APR FC FIFA ikagitesha agaciro agiye kukijyana muri TASS

Umutoza Adil Mohammed Erradi wahoze atoza ikipe ya APR FC, yariye karungu arashaka kujya kujurira ikirego cye mu rukiko rukuru rushinzwe rukemura ibibazo byo mu mupira w’amaguru ku Isi TASS nyuma y’uko Ishyirahamwe ry’umupira w’amaguru ku Isi FIFA ryatesheje agaciro ikirego yaregaga iyi kipe ko yamwirukanye binyuranyije n’ibyo bari barumvikanye.

Mu kiganiro Adil yagiranye na radiyo ya BB Umwezi mu kiganiro k’imikino, yavuze ko impamvu agiye kujurira ngo ni ukubera ko uko APR FC yereguye kuri FIFA harimo amakosa.

Yagize ati “Nabonye ibintu bidasobanutse mu bwiregure bwa APR FC, bityo ngomba gukora ibishoboka mbashe kurengera uburenganzira banjye.”

Uyu mutoza kandi ubwo FIFA yateshaga agaciro ikirego cye, yari yatangaje ko yanyuzwe n’icyemezo cyafashwe, akaba yasabwe kubira icyo avuga ukuntu yavuze ko yanyizwe n’umwanzuro ariko akaba agiye gusubira mu ninyiko.

Yagize ati “Ntabwo navuze ko birangiye, ahubwo navuze ko nubaha icyemezo cya FIFA. Nyuma mfite uburenganzira bwo kurenganurwa.”