Geovanis
Igitaramo cya Israel Mbonyi cyabaye kuri uyu wa gatandatu taliki 14 Mutarama 2023 mu gace kitwa Brisbane mu gihugu cya Australia aho uyu muramyi akomeje kwandika amateka atari yakorwa n’undi uwo ariwe wese hano mu Rwanda.
Mu gusoza umwaka wa 2022 uyu muhanzi yataramiye mu gihugu cy’u Burundi ariko na none mbere yaho mu minsi ya Noheli yari i Kigali mu Rwanda aho yanditse amayeka kuko niwe muhanzi wenyine washoboye kugira abakunzi bakubita bakuzura BK Arena.
Gusa bamwe ntibari biteze ko biza kugenda neza muri Australia kuko muri uyu wa gatanu ubwo yiteguraga gutaramira muri iki gihugu nibwo hacicikanye inkuru y’akababaro ivuga ko Israel Mbonyi yapfushije sekuru.
Gusa ntibyamubujije gutaramira abakunzi be bari muri iki gihugu kuko muri video yagaragaye ku rubuga rwe rwa Instagram byagaragaraga ko abantu naho bakubise buzuye ndetse abanyarwanda kazi bagaragaye babyiganira kumukoraho.
