Abanywi b’inzoga amafaranga bayakurahe? Bralirwa yatangaje ko mu mwaka ushize yungutse amamiliyoni menshi

Mu gihe abantu bataka ko ibiciro by’ibiribwa byazamutse cyane, ntibibuza abannya inzoga kugura ubutitsa inzoga kuko Bralirwa yatangaje ko yungutse agatubutse.

Uruganda rwenga ibinyobwa bisembuye ndetse n’ibidasembuye rwa Bralirwa, rwatangaje ko mu mwaka wa 2022, rwagize inyungu ya miliyari 22,5 Frw.

Bingana nk’inyongera ya 28,7% ugereranyije n’uko byari bihagaze mu mwaka wabanje wa 2021 kuko bwo yari miliyari 17,5 Frw.