HARAGIRIMANA Dieudonne
Mu gihugu cya Uganda, byamenyekanye ko abanyeshuri ba Kaminuza barimo gukopera ikizamini bifashishije amakariso n’udupfukamunwa.
Umuyobozi ushinzwe amasomo muri kaminuza witwa Prof Eli Katunguka yabwiye ikinyamakuru blizz.co.ug ko hari inkumi ziri gushyira mu makariso inkota [ibisubizo by’ibizamini] bakabyinjirana bagakopera bavuga ko ari Cotex. Yongeyeho ko bari no guhisha ibisubizo mu dupfukamunwa. Yagaragaje ko aya mayeri bayavumbuye nyuma y’uko hari abafashwe. Ubu kwinjira mu kizamini biri gusabwa ko umuntu agenzurwa agasakwa byimbitse.
Yatanze urugero avuga ko hafashwe umunyeshuri w’umusiramukazi wari wagerageje gukopera muri ubu buryo aho yafashe inkota [icyo gukopereraho] akayishyira mu kenda ke k’imbere yari yambaye ariko nyuma bakaza kumutahura. Ubu ngo hashyizweho abagore bashinzwe umutekano bari gusaka hose kugira ngo hakumirwe gukopera.
