Abantu bihishe inyuma y’ikirombe cyagwiriye abantu 6 bari gushakishwa hasi kubura hejuru

Ubuyobozi b’akarere ka Huye, bwatangaje ko urwego rw’Ubugenzacyaha RIB rwatangiye iperereza ku bihishe inyuma y’abagwiriwe n’ikirombe cy’amabuye y’agaciro cyo muri aka karere ka Huye mu murenge wa Kinazi.

Ubu iminsi imaze kuba 6 abantu batandatu bagwiriwe n’ikirombe ndetse ari nako hakorwa ibikorwa by’ubutabazi ngo bashakishwe ariko ntabwo baraboneka.

Nk’uko abaturage bahaturiye ba bivugwa, iki kirombe cyari cyimaze imyaka 4 gicukurwamo amabuye y’agaciro gusa ariko ubuyobozi bwo buvuga ko butari bubizi.

Ubu hari kwibazwa ukuntu imyaka 4 yashira ubuyobozi butazi ibikorwa by’ubucukuzi bw’amabuye y’agaciro bukorerwa mu murenge. Niyo mpamvu ubuyobozi buvuga ko iperereza riri gukorwa rizatangaza ukuri kwabyo neza.