HARAGIRIMANA Dieudonne
Jeff Bezos umwe mu bakire ba mbere ku isi akaba yatumye basenya ikiraro cy’amateka yu Buholandi kuri miliyoni 450 zamadorari, iki kiraro kikaba kitwa Koningshaven cyubatswe mu 1878 kikaba cyaraje gusanwa nyuma y’ibisasu mu Ntambara ya Kabiri y’Isi Yose.
Iki kiraro kikaba kimaze imyaka 145, yagisenyesheje kugirango ashobore gutwara ubwato bwe buhagaze amadorari miliyoni 485 nyuma yo kurangiza kubwubaka.
Uruganda rwa Oceanco tuherereye muri Alblasserdam hafi ya Rotterdam rwarangije kubaka ubwato bwa Jeff Bezos bwiswe Y721, yacht bikaba bwaratanguye kubakwa ubwo yari umuyobozi mukuru wa Amazone, ariko ubwo bwato ni bunini cyane ku buryo butashobora kugenda n’ikiraro uko kiri. Abubatsi basabye inama njyanama gukuraho igice cyo hagati cyikiraro kugirango ubwato bushobore kuhanyura.
Umuvugizi w’umuyobozi w’akarere ka Rotterdam yabwiye AFP ati: “Ninzira yonyine igana ku nyanja”, yongeraho ko umuherwe Bezos w’imyaka 57 azishyura icyo gikorwa.”
Ubwato buhebuje, buzaba ari bwo bwato bunini bwubatswe na Oceanco kandi bumwe mu bunini bwigeze bwubakwa, bukaba byibuze bureshya na metero 130, bikaba bisabwa ko basenya igice kindi kugirango bubashe guhita.
Ikiraro cya Koningshaven, kikaba kandi kizwi ku izina rya De Hef, cyatangiye gukoreshwa mu 1878 ariko cyongeye kubakwa nyuma yuko Abanazi bagiteyeho igisasu mu 1940 mu Ntambara ya Kabiri y’Isi Yose.
Uyu mugabo Jeff Bezos akaba yarubatse Amazone kuva kera, akaba yaratangiye agurisha ibitabo byakoreshejwe mu I garage rye, gusa nyuma yaje kqagura ibikorwa bye ubu ngubu Amazon ni ryo soko ryo kuri internet rikomeye ku isi yose.
