Epaphrodite Nsengimana
Abaherwekazi bagize itsinda rya ‘Kigali Boss Babes’, berekeje muri Nigeria aho bagiye kumurikira filime igaruka ku buzima bwabo bwa buri munsi, mbere y’uko bayishyira hanze.
Mbere y’uko aba bakobwa bahaguruka i Kigali, mu gitondo cyo kuri uyu wa 8 Ugushyingo 2023, Alliah Cool yatangaje ko bagiye kwerekana filime ku bafatanyabikorwa.
Yagize ati “Muri Nigeria hari ibigo twaganiriye ku mushinga wacu bifuza gukorana natwe, rero tugiye kubamurikira aho ugeze barebe uko bimeze hanyuma twanzure uko filime yacu izasohoka n’aho izasohokera.”
Ni filime igaruka ku buzima buhenze aba bakobwa babamo umunsi ku wundi, yafatiwe mu bihugu bitandukanye aba bakobwa bakunze gutemberamo, ifatirwa muri hoteli akomeye yaba mu Rwanda no hanze yarwo yewe hari n’amashusho yayo yafatiwe mu ndege.
