Abagore 7 bari bagiye mu mahugurwa bahiriye mu modoka barapfa

Byibura abantu 7 mui 15 bari mu modoka yo mu bwoko bwa Mazda Bus bahiriye mu modoka barapfa ,ubwo berekezaga mu mahugurwa y’iminsi 4 muri Vanguard Academy, Odosengolu ,hafi n’umujyi wa  Ijebu-ode mu gihugu cya Nigeria.

Aba bantu bakaba bari bavuye mu gace ka  Odogbolu imodoka igashya batari bakagera kure yaho bari bavuye , aba bagenzi bose bahiye bikaba bivugwa ko ari abagore bari bitabiriye amahugurwa ngarukamwaka yari yateguwe na  the national body Al-Mu’minaat (The Believing Women) Organisation.

Bivugwa ko iyi Bus yo mu bwoko bwa Mazda yari yambaye Plate AGL 886 YD yafashwe n’inkongi y’umuriro biturutse kuri moteri yayo ,bikaba byatumye abagore 7 bari bayirimo bahiramo barapfa mu gihe abandi 7 bahise bajyanwa ku bitaro bya  Ijebu-Ode General Hospital kugirango bitabweho,mu gihe  umushoferi w’imodoka we yahise acika kugeza ubu akaba atari yaboneka.