Abagabo bamaze amashereka mu bagore babo abana inzara irabica

Ikibazo cy’abagabo bonka amabere y’abagore babo cyafashe indi ntera muri Tanzania.

Depite Jacqueline Ngonyani wo mu Nteko Ishinga Amategeko ya Tanzania yasabye abagabo guhagarika konka abagore babo kuko bacura abana amashereka bikaba byabagiraho ingaruka.

Yabivugiye mu Nteko ku wa 30 Gicurasi 2022, ubwo hasuzumwaga ingengo y’imari yagenewe Minisiteri y’Iterambere ry’Umuryango n’Uburinganire muri Tanzania.

Iyi minisiteri yagaragaje ko ikeneye miliyari 43 z’amashilingi ya Tanzania kugira ngo ibashe gushyira mu bikorwa imwe mu mishinga yayo.

Yagize ati “abagabo nyuma yo kuvumbura ko amashereka abamo intungamubiri bahise bayifunga kuva ubwo abana baraburaniwe”

Abagabo muri Tanzania barasabwa guha agahenge abana babo kugira ngo babone icyo banywa.