2pac ugifatwa nk’umunyabigwi yakorewe ikindi gikorwa kizatuma yibukwa iteka ryose

2pac ugifatwa nk’umunyabigwi yakorewe ikindi gikorwa kizatuma yibukwa iteka ryose

Nyuma y’imyaka 27 yitabye Imana Tupac Amaru Shakur [2Pac] yinjiye mu mubare w’abaraperi 13 bamaze guhabwa inyenyeri y’abanyabigwi izwi nka “Hollywood Walk of Fame”.

2Pac witabye Imana afite imyaka 25 mu muhango wo kumurika iyi nyenyeri yari ahagarariwe na mushiki we Sekyiwa “Set” Shakur.

Iyi nyenyeri iri ku muhanda wa Vine Street mu Gace ka Hollywood Boulevard mu Mujyi wa Los Angeles muri Leta ya California.

Queen Latifah ni we muraperi wa mbere wahawe iyi nyenyeri y’icyubahiro mu 2006. Abandi baraperi bahawe Hollywood Walk of Fame ni Sean Combs (P Diddy) wayihawe mu 2008, Pharrell Williams mu 2014, LL Cool J mu 2016, Pitbull mu 2016, Ice Cube mu 2017, Snoop Dogg mu 2018, Cypress Hill mu 2019, 50 Cent mu 2020, Missy Elliott mu 2021, Ice-T mu 2023 na Ludacris mu 2023.