20 bahise bahasiga ubuzima mu mpanuka y’ubwato yabereye mu kiyaga

20 bahise bahasiga ubuzima mu mpanuka y’ubwato yabereye mu kiyaga cya Victoria muri Uganda nkuko byatangajwe na polisi yaho.

Mu rukerera rwo kuri uyu wa gatatu nibwo mu gihugu cya Uganda, ubwato bwari butwaye abagera kuri 34 bwakoze impanuka burarohama, polisi yatangaje ko abantu 20 aribo bamenyekanye ko bahitanywe n’iyi mpanuka, abatabawe bo ni 9, bivuze ngo muri 34 habonetse 29.

Polisi yavuze ko icyateye ubu bwato kurohama ari uko bwari bupakiye kurenza imbaraga zabwo. Ndetse ibikorwa by’ubutabazi byakomeje ngo barebe ko babona abasigaye.