HARAGIRIMANA Dieudonne
Nyuma y’ibibazo no kwiheba gukomeye myugariro Abdoul Rwatubyaye yateje ikipe ya rayon Sport ubwo yamaraga gusinya amasezerano nayo agahita ayicika ntayikinire nkuko yari yarabyemeye akaza kugaruka nyuma y’igihe kirekire, uyu musore yongeye guhangayikisha bikomeye ubuyobozi ndetse n’abafana ba RayonSport ubwo yajyaga ku rukuta rwe rwa Instagram agatangaza kumugararagaro ko yenda kongera kuva muri iyi kipe.
Amagambo yaherekeje iyi foto nkuko bigaragaraho yagize ati:” Nyuma y’isuzuma ry’ubuzima, ntegereje kureba uko ku rundi ruhande bizagenda ubundi mu kwezi gutaha nkahita mbamenyesha aho nzajya gukomereza umupira w’amaguru.” Ni amagambo mu rurimi rw’icyongereza ajimije ariko agaragaza ko uyu musore yenda nanone kuva mu ikipe ye ndetse ko bishoboka ko ashobora kuba yaranamaze gukora ikizamini cy’ubuzima. Tukaba dutegereje kureba aho uyu musore wagaragayeho imyitwarire itari myiza ubwo yahemukiraga Rayon Sport azerekeza.
