Zuchu yeretse Diamond Plutnumz ko ari insina ngufi

Umuhanzikazi Zuhura Othman Soud wamamaye nka Zuchu mu muziki wa Africa, yaciye agahigo ko kuba umuhanzi rukumbi ukomoka muri Africa y’iburasirazuba uhatanye mu bihembo bya MTVEMA 2022, ibintu byari bisanzwe byihariwe n’umukoresha we Diamond Diamond.

Uyu muhanzikazi yaserukiye Africa y’iburasirazuba asiga ibihangange nka Diamond Platnumz, Eddy Kenzo, Ali Kiba n’abandi bari basanzwe basimburana muri iki cyiciro cy’umuhanzi mwiza muri Africa.

Zuchu wo muri Tanzania mu cyiciro cy’umuhanzi w’umunya Africa wahize abandi muri 2022, ahatanye na Burna Boy, Ayra Starr na Tems bo muri Nigeria, Black Sherif wo muri Ghana na Musa Keys wo muri South Africa.