HARAGIRIMANA Dieudonne
Abahanzi n’abandi bantu b’abastar mu Rwanda nubwo tubabona mu bikorwa bitandukanye by’imyidagaduro ariko baba bafite ubundi buzima busanzwe babaho aho usanga hari imitungo bafite nk’inzu ndetse n’imodoka bagendamo.Ni muri urwo rwego tugiye kureba zimwe mu modoka z’ibyamamare byo mu Rwanda .
1.Tom Close
Tom Close wamenyekanye cyane mu njyana ya R&B, akaba asanzwe ari n’umuganga, atwara Mercedes Benz C200.
2.Butera Knowless
Knowless wamaze kubaka izina nk’umwe mu bagore bashoboye muri muzika Nyarwanda, atunze imodoka ya Toyota Highlander yakozwe muri 2013. Akanavuga ko ari bwo bwoko bw’imodoka akunda.
3.Kate Bashabe
Kate Bashabe ni umwe mu batunze imodoka nziza mu byamamare byo mu Rwanda. Kate usanzwe ufite iduka ricuruza imyenda rya Kabash House afite imodoka yo mu bwoko bwa BMW X6.
4.Young Grace
Young Grace, umwe mu bakobwa bake bashoboye kwinjira mu njyana ya Hip Hop mu Rwanda kandi akaba anakirimo, nawe atwara “Gikeri” cyangwa Volkswagen Beattle.
5.Arthur Nkusi
Arthur umaze kumenyekana mu mwuga wo gusetsa nka “Rutura”, atwara imodoka ya siporo yo mu bwoko bwa Peugeot 106.
6.TMC
TMC nawe wahoze mu itsinda rya Dream Boyz, kuri ubu usigaye aririmba ku giti cye, akunze kugaragara atwaye Toyota Corolla Coupé y’umuryango umwe.
7.Platini Nemeye
Platini Nemeye yahisemo kwigurira imodoka ya Toyota RAV4 yakozwe muri 2016. Izi modoka zimenyerewe ubundi gutwara n’abayobozi mu bigo bya leta.
8.Yannick Mukunzi
Mukunzi usanzwe ukinira ikipe ya Sandvikens IF n’ikipe y’igihugu atwara imodoka ya Volkswagen yo mu bwoko bwa “convertible”.
