THIERRY Mugiraneza
Umufaransa Zinedine Zidane yasabye Florentino Perez , perezida wa Real Madrid kumugurira umukinnyi uri kuzamuka neza mu Bufaransa witwa Rayan Cherki kugira ngo azemere kugaruka gutoza Real Madrid.
Zidane watoje ikipe ya Real Madrid akahatwarira champions league eshatu yikurikiranya nyuma akagenda, ubu amakuru atangazwa n’ibinyamakuru byo mu Bufaransa aravuga ko , perezida wa Real Madrid yatangiye kumuganiriza ngo abe yagaruka gutoza iyi kipe ariko ngo Zidane yasabye Florentino Perez ko yamugurira umwana muto witwa Rayan Cherki ukinira ikipe ya Lyon.
Amakuru agarura Zidane muri Real Madrid ashingira ku kuba umusaruro wa Carlo Ancelloti usanzwe utoza Real Madrid utameze neza. Real Madrid iherutse gutsindwa na FC Barcelona ku mukino wa nyuma wa Super cup ya Espagne kandi no kuba ubu Real Madrid iri inyumaho amanota 8 ku rutonde rw’agateganyo rwa shampiyona, ikindi kintu kiri gutuma inkuru z’isohoka rya Ancelloti ziba nyinshi n’uko ari kuvugwa mu kujya gutoza ikipe y’igihugu ya Brazil.
