Zari yashimagije umusore bakundana arusha imyaka 10 yose

Umuherwekazi wabyaranye na Diamond uzwi nka Zari yatomagije Shakib umusore bari kumwe mu munyenga w’urukunda avuga ko anyurwa na buri kimwe uyu musore amukorera.

Mu butumwa Zari yanyujije ku rukuta rwe rwa Tik Tok yavuze ko anyuzwe n’urukundo rwa Shakib. Ati “Shakib umpa amahoro n’umutuzo nifuza, ibyo unkorera n’uko ubikora ndagusabye ongera kuko biranyura”.

Akomeza agira Ati “Sinita kubivugwa kuko nta kerekezo bifite bazaruha barekere”.

Uyu mubyeyi w’abana batanu avuze ibi nyuma y’amagambo menshi avugwa bitewe nuko akundana n’umusore arusha imyaka irenga 10 benshi bavuga ko ari ibintu bidakwiye.

Zari akunze kugaragaza ko atitaye ku magambo yose amuvugwaho cyane ko avuga ko aho kugira ngo amere nk’abagore basambana n’abagabo bubatse yakundana n’umusore kuko ntamuntu aba arimo guhemukira.