Zari ufite imyaka 42 yasubije abibaza ku rubyaro ndetse n’urukundo rwe na Shakib arusha imyaka 12 bahita bifata ku minwa

Umushabitsi Zari Hassan w’imyaka 42 y’amavuko wibera muri Afurika y’Epfo, yahishuye ko ku bana batanu afite nta gihindutse agomba kongeraho n’abana agomba kubyarana n’umukunzi we mushya, Shakib Lutaaya arusha imyaka 12 yose.

Ubwo yari mu kiganiro n’itangazamakuru kigaruka ku kirori ategura kizaba tariki ya 22 Ukuboza cya All White Party, itangazamakuru ryaboneyeho rimubaza no ku mubano we na Shakib.

Uyu mubyeyi w’abana 5 harimo babiri yabyaranye na Diamond Platnumz wo muri Tanzania, Zari aheruka kujya kwerekanwa kwa Shakib, yavuze ko ababyeyi be bamukunze ndetse urukundo rwa bo baruha umugisha, yahishuye ko bazabyara igihe n’ikigera.