“Zari ari ku rundi rwego” Mushiki wa Shakib umukunzi wa Zari, yasabye umugore uvuga ko musaza we basezeranye yamuha amahoro

Shakira mushiki wa Shakib ukundana na Zari, yiyamye umugore witwa Mimi uba muri USA wavuze ko Zari yamutwaye Shakib barashakanya byemewe n’amategeko, ndetse yanashyize hanze n’impapuro zibigaragaza.

Shakira, mushiki wa Shakib yasabye uyu Mimi ko yaha amahoro musaza we Shakib, yagize ati “Niba usaba gatanya Shakib, nayiguhaye mu mwanya we. Ukomeje kwivanga mu mahoro ye.

Nta kintu wamumariye mu buryo bumwe cyangwa ubundi. Nta nzu ya we cyangwa ubutaka yatwaye, ntabwo yigeze akubabaza mu buryo bumwe cyangwa ubundi. Mureke wenyine wigumya kumwikururaho.

Niba wararakajwe n’uko ubu ari kumwe na Zari, Zari ari ku rundi rwego. Ni izina rinini, byihorere rwose.”