Yewe yarye warayatunukiye! Ukuntu Bamenya yashoye miliyoni 24 muri sinema zigashya agasigara nta rwara rwo kwishima

Umunyarwenya Benimana Ramadan wamenyekanye nka Bamenya muri filime yanamwitiriwe yavuze ukuntu yasohoye miliyoni 24 muri sinema zose zigashya.

Uyu musore w’imyaka 29 ku ikubitiro yashoye miliyoni 17 muri sinema ni uko aza kunguka ibihumbi 500.

Mbere y’uko ashora ayo mafaranga, Mama we yari yamusabye ko yayaguramo ikibanza ku irebero kuko cyaguraga miliyoni 10 none ubu kigeze kuri miliyoni 100, gusa ariko we yarabyanze ayashora muri sinema.

Nyuma y’aho yaje kubona izindi miliyoni 5 maze nazo azishora muri sinema nazo zirongera zirashya.

Nyuma yaje gushora muri Bamenya ari nayo yamukuyeyo gusa ariko yashoyeyo yikandagira.

Muri Bamenya Series yasohoyemo miliyoni imwe gusa ariko nayo yayishoye yikandagira gusa ubu niyo imutunze ndetse yamugize ni uwo ari we ubu.