Yewe urupfu ntirukirya; Umugabo yiyahuye akoresheje Kioda na Kanta ntiyapfa

Mu Karere ka Ruhango haravugwa inkuru y’umugabo wagerageje kwiyahura akoresheje Kioda ivanze na Kanta, abaturage batabara atarashiramo umwuka.

Ibi yabereye mu wa Mudugudu wa Nyakabanda, Akagari ka Kabuga mu Murenge wa Mbuye ubwo Sebera Augustin w’imyaka 27 yageragezaga kwiyambura ubuzima.

Uyu mugabo yakoze iki gikorwa nyuma y’uko atonganye n’umugore we wamushinjaga kumuca inyuma ku bandi bagore.

Umunyamabanga Nshingwabikorwa w’Umurenge wa Mbuye Kayitare Wellars yabwiye UMUSEKE dukesha iyi nkuru ko uyu mugabo yagerageje kwiyahura akoresheje Kioda na Kanta.

Uyu muyobozi yasoje avuga ko uyu mugabo yahise ajyanwa mu Kigo Nderabuzima cya Mbuye ahabwa ubutabazi bw’ibanze abona koherezwa mu Bitaro bya Kinazi ari naho arwariye ubu.