Yatangiye kubakubita akanyafu ibyo bigize! Hamenyekanye impamvu itangaje umukinnyi wa Rayon Sports yasizwe n’imodoka yagombaga kumugeza aho akorera imyitozo

Umutoza w’ikipe ya Rayon Sports mushya Yamen Zelfani yahaye igihano umukinnyi nyuma yo gukora ikosa mu minsi ya mbere y’imyitozo.

Ku munsi wejo hashize ikipe ya Rayon Sports yakomezaga imyitozo n’abatoza bayo barimo Yamen Zelfani ndetse n’abandi bakorana. Uyu mutoza nyuma yo gutangirana ingamba nshya zatangiye kugonga abakinnyi b’iyi kipe ari nako agenda abakubita akanyafu kugirango bagire gahunda.

Ku munsi w’ejo hashize, rutahizamu Jonathan Ifunga Ifaso ntiyakoze imyitozo nyuma yo gucyererwa imyitozo agasanga abandi bayigeze kure, yabazwa impamvu n’umutoza akavuga ko imodoka yagombaga kumutwara yamusize kubera gusinzira cyane.

Uyu mutoza bisa nkaho ikipe agiye kuyishyira ku murongo kuko mu myaka ishize wabonaga ko muri Rayon Sports ikintu cyaburaga ari igitsure kigomba gushyirwa ku bakinnyi ndetse ugasanga bamwe na bamwe bakora ibyo bishakiye bikanaviramo kwitwara nabi ku ikipe muri Shampiyona.