Yasimbutse avuye ku igorofa rya 29 yikubita hasi ahita agagara

Cheslie Kryst wegukanye ikamba rya Miss USA muri 2019, yapfuye nyuma yo gusimbuka inyubako ku cyumweru mu gitondo.

Uyu mukobwa yasimbutse hejuru mu nyubako yikubita hasi ahita ashiramo umwuka, Police yahise ihamagarwa isanga uyu mwari yamaze kwitaba rurema.

Amasaha make mbere y’uko apfa, Cheslie yashyize ifoto ye kuri Instagram yandikaeho ati: “Uyu munsi uzane kuruhukira mu mahoro (RIP).”

Kryst yatwaye ikamba mu marushanwa ya Miss USA muri 2019 nka Miss Carolina y’Amajyaruguru. Yabaye umunyamategeko, kandi amaze gutsindira ibihembo bigiye bitandukanye, yanabaye umunyamakuru wa extra.

Ubwo yari ari Miss yakoze ibintu bigiye bitandukanye, aho yakoresheje izina rye nka Miss mu kuvuga ibijyanye no kuvugurura ubutabera n’imibereho myiza y’abaturage.

Bivugwa ko ku cyumweru mu gitondo yasize urwandiko, avuga ko ibintu byose atunze yabisigiye mama we.

Cheslie yapfuye yari afite imyaka 30 y’amavuko, Polisi yahise itangira iperereza ku rupfu rw’uyu munyampinga wa America.