M.Ben
“Yari ankandagiye ndimo kumuhunga” Rutanga Eric yavuze ukuntu yisanze yateye uwa kajwiga Kwitonda Alain Bacca wa APR FC.
Ifoto ya Rutanga Eric yafashe mu ijosi rutahizamu wa APR FC, Kwitonda Alain Bacca mu mukino waraye ubahuje, yateje impagarara ku mbuga nkoranyambaga zigiye zitandukanye.
Iyi foto yafashwe mu gice cya mbere cy’umukino wahuje APR Fc na POLICE Fc, aho igaragaza myugariro wo ku ruhande rw’ibumoso, Rutanga Eric yafashe mu ijosi Kwitonda Alain Bacca benshi bibaza uko byagenze.
Mu kiganiro Rutanga Eric yahaye ikinyamakuru ISIMBI, yavuze ko byahuriranye bamufotora arimo asunika Bacca bimwe byo mu kibuga nyuma y’uko yari arimo amukandagira.
Ati “Yari ankandagiye ndimo kumuhunga. Urumva ballon yaje mu kirere ngiye ku mukandagira noneho ndasimbuka ngo ntamukandagira ahubwo we azamuriramo imigeri, ndamubwira ngo wowe ndaguhunga ukankandagira, rero narimo musunika na we buriya yaramfashe ariko ni uko byahuriranye na camera ariko nta birenze ni bimwe byo mu kibuga.”
