Yannick Mukunzi agiye kuza mu ikipe y’igihugu Amavubi atishyimye kubera ibyo ikipe ye ihuye nabyo kuri iki cyumweru

Mu masaha y’umugoroba wo kuri iki cyumweru tariki 11 Kamena 2023, ikipe ya Sandvikens IF ikinamo abanyarwanda babiri Yannick Mukunzi na Byiringiro Lague yatsinzwe n’iyo byari bihanganye.

Muri uyu mukino, aba bakinnyi b’abanyarwanda bose babanje mu kibuga, maze umukino urangira Sandvikens IF itsinzwe na Sollentuna ibitego 3-2.

Ni mu gihe uyu mu kino Yannick Mukunzi yawusoje ahita yitegura urugendo ruzamuzana i Kigali ngo asange abandi bakinnyi b’ikipe y’igihugu Amavubi bari mu mwiherero wo kwitegura ikipe ya Mozambique. Biteganyijwe ko azagera mu Rwanda ku wa Gatatu tariki 14 Kamena 2023.