Yanga Africans yahaye Noheli abafana bayo ubwo yabizaga ifuro Azam Football Club

Yanga Africans Sports Club yatsinze Azam Football Club ibitego bitatu kuri bibiri mu mukino wabaye kuri icyi cyumweru ubera kuri Benjamin Mkapa Stadium utangira saa mbili na cumi n’itanu z’ijoro.

Uyu mukino wagiye gutangira amagambo ari menshi ku mpande zombi bitewe n’uko izi kipe zose ziza mu zikunzwe muri Tanzania.
Umutoza utoza Azam Football Club yari yahisemo kubanza mu kibuga abakinnyi nka Ahamad, Mwaikenda, Kangwa, Amoah, Manyama ,Bajana, Sopu, Muguna ‘Dube, Akaminko na Junior.

N’aho Yanga Africans yari yitwaje ibikurankota byayo birimo Diarra, Kibwana, Lomalisa,Bangala ,Job, Aucho, Sureboy,Molok, Mayele, Azizki na Morrison.
Uyu mukino wa kinwe wari umukino w’umunsi wa 18 wa Championa y’ikiciro cya mbere muri Tanzania( Tanzania Premier league).

Ibitego bya Yanga Africans byatsinzwe na Fiston Mayele ku munota wa 31, Aziz Ki ku munota wa 33 ndetse na Farud Musa watsinze icya gatatu ku munota wa 78.
N’aho ku ruhande rwa Azam Football Club ibitego bibiri byayo byatsinzwe na Abdul Sopu ku munota wa 28 n’uwa 47.

Umunsi wa 18 wa Tanzania Premier League usize Urutonde ruhagaze gutya:

1.Yanga SC n’amanota 47 ikaba izigamye ibitego 26.
2.Simba SC n’amanota 38 ikaba izigamye ibitego 29 n’umukino umwe itarakina.
3.Azam FC n’amanota 37 ikaba izigamye ibitego 8.