THIERRY Mugiraneza
Cristiano Ronaldo, rutahizamu akaba na kapiteni w’ikipe y’igihugu ya Portugal, mu ijoro rya keye yongeye kwandikisha amateka mashya mu mupira w’amaguru.
Mu ijoro rya keye ikipe y’igihugu ya Portugal yakinaga umukino n’igihugu cya Leinchestein, mu mukino wo gushaka itike y’Igikombe cy ‘iburayi 2024.
Portugal ya Cristiano Ronaldo yaje kunyangira ikipe ibitego bine ku busa, byatinzwe na Cristiano Ronaldo watsinze ibitego bibiri, Bernado Silva na Joao Cancelo.
Muri uwo mukino niho kizigenza Cristiano Ronaldo yaraye yandikiyemo uduhigo dushya mu mupira w’amaguru ku Isi.
Uduhigo Cristiano Ronaldo yaraye ashyizeho dushya:
1. Cristiano Ronaldo yaraye ahindutse umukinnyi wakiniye imikino myishi ikipe y’igihugu , ubwo Cristiano Ronaldo yakinaga mu ijoro rya keye yakinaga umukino wi 197 mu ikipe y’igihugu ibintu bimuhindura umukinnyi wakiniye imikino myishi ikipe y’igihugu.
2. Cristiano Ronaldo yabaye umukinnyi wa mbere ubashije gutsindira igitego ikipe y’igihugu buri mwaka mu gihe cy’imyaka 20 yose. Kuva Cristiano Ronaldo muri 2005 amaze imyaka makumyabiri atsinda igitego mu ikipe y’igihugu.
3. Cristiano Ronaldo yabaye umukinnyi wa mbere utsindiye ikipe y’igihugu ibitego 100 bifunguye ni ukuvuga nta penariti irimo.
4. Cristiano Ronaldo yabaye umukinnyi wa mbere watsinze penariti nyinshi mu mateka ya ruhago , Ronaldo amaze gutsinda penariti 150.
5. Mu ijoro rya keye ubwo Cristiano Ronaldo yatsindaga igitego cya kabiri cye, ni igitego yatsinze kuri kufura , ibintu byamugize umukinnyi umaze gutsinda kufura nyinshi mu mateka ya ruhago, kufura 60.
6. Cristiano Ronaldo yaraye atsinze igitego cye cyi 120 mu ikipe y’igihugu, ibintu bitarakorwa n’undi.
7. Cristiano Ronaldo yaraye atsinze igitego cye cya 831 ibintu bitarakorwa n’undi muri ruhago.
