Yahawe arenga miliyoni imwe y’amanyarwanda nyuma yo guterwa amazi n’imodoka y’umuherwe

Umukobwa yegukanye sheki y’ama-Naira 500,000 arenga miliyoni imwe y’amanyarwanda nyuma yoguterwa amazi n’imodoka y’umuherwe w’umucuruzi.

Uyu mukobwa yatewe amazi ari mu nzira ataha ubwo imwe mu modoka z’uwo muherwe yamunyuragaho, nyuma yo guterwa amazi ntago yigeza agaragaza amarangamutima ngo yisaze.

Kuterekana amarangamutima kwe byatumye uyu muherwe amugenera amafaranga arenga miliyoni imwe y’amanyarwanda nk’ishimwe ryo kwicisha bugufi yagaragaje.

Uyu mugabo w’umuherwe witwa Marksman Chinedu Ijiomah yanditse ku rubuga rwa Facebook avuga ko ibi byabaye ubwo yari mu nzira ataha ava mu kazi ke ka buri munsi maze imwe mu modoka ze zari zimuherekeje yatambukaga kuri uyu mukobwa ikamutera amazi kubw’impanuka.

Uyu muherwe yihutiye gusaba imbabazi uyu mukobwa aho yahise asinya cheque y’ama-Naira 500,000 ni ukuvuga agera 1,230,356 Frw ayiha uyu mukobwa. Mu kiganiro aba bombi bagiranye kandi iyi nkumi yabwiye uyu mushoramari ko asanzwe akora akazi ko guhanda imideli, akaba ari kimwe mu byatumye ahita amuha aya mafaranga mu rwego rwo kumutera inkunga mu byo akora.