Yafashwe amaze kwiba amabati n’inzugi z’imisigiti irenga 10

Muri Nigeriya haravugwa inkuru itangaje y’umusore  w’imyaka 21 witwa Abba Haruna, wibye inzugi n’amabati y’imisigiti 14 yo muri iki gihugu yo mu duce 3 dutandukanye tw’ahitwa Kiyawa.

Yasamburaga iyi misigiti abeshya ba nyirayo ngo agiye kububakira indi mishya kandi mu byukuri yabaga ari kubabeshya.

Ikinyamakuru Daily Trust kivuga ko uyu Haruna nawe w’umuyisilamu yari yatetse imitwe byanakunze gusa umuvugizi w’umujyi wa Kiyawa yavuze ko yafashwe ndetse ibi byaha bimuhama.

Ikinyamakuru BBC cyo cyavuze ko yatwaye ibi bikoresho byo ku misigiti 14 y’ahitwa Taura,Kiyawa na West Jahun. Uyu musore akaba yaratawe muri yombi atari yagurisha ibyo yibye.