Yabenzwe ku munsi w’ubukwe bwe kubera impamvu itangaje

Umubyeyi witwa Ifeyinwa Nasiah Okoye ufite ubumuga, yavuze inkuru y’akababaro y’ukuntu umusore yari yarakunze yamutaye ku munsi w’ubukwe bwabo bombi.

Uyu mugore w’umutima ukomeye avuga ko uwo musore yamubenze ku munsi w’ubukwe bwobo kubera ko yavugaga ko atarongora umuntu ufite ubumuga.

Uyu mudamu usanzwe ari umucamanza mukuru wa leta ya Anambra, aganira na BBC dukesha iyi nkuru, yavuze ko ubu yishimye kandi ko ari kwita ku muryango we mushya yungutse.

Uyu mugore akomeza avuga ko ashengurwa n’ukuntu uyu mugabo yamutaye ku munsi w’ubukwe kubera ubuzima bwe bwo kugendera ku mbago.

Uwo mugabo mbere y’uko amubenga yari yarabwiye inshuti ze ko adashobora kurongora umukobwa umeze nka madamu Ifeyinwa Nasiah Okoye uri kutubarira inkuru y’urukundo rwe.

Uyu mubyeyi afite abana batatu kandi ngo abaye mu buzima yishimira, ikindi kandi yavuze ko buri gihe yifuza gukoresha umwuga we w’amategeko kugira ngo avugire abantu bamugaye ndetse n’abandi bakeneye ubufasha.