Waba uzi umuzamu watsinze ibitego bitatu mu mukino umwe?

Ntibikunze kubaho ko umuzamu atsinda ibitego dore ko we akazi ke aba ari  ukurinda izamu kurusha kujya gutera imvururu mu izamu ry’abandi.

Umuzamu Jose Luis Chilavert yavutse ku wa 27/07/1965 akaba akomoka mu gihugu cya Paraguay akaba yaranakiniye amakipe atandukanye yo muri Spain.

Jose Luis Chilavert yatwaye ibikombe 12 byose hamwe harimo 94 Copa Libertadores, 1994 Intercontinental Cup, ndetse n’ibindi bitandukanye.

Ku itariki 05/09/2001 hari mu mikino yo gushaka itike y’igikombe cy’isi cya 2002 kuri Estadio Defensores del Chaco, Asunción, Paraguay bahatsindiye ikipe ya Bolivia ibitego bitanu ndetse uyu muzamu atsindamo ibitego bitatu.

Jose Luis Chilavert yatsinze ibitego byose hamwe 67 harimo ibitego 8 yatsinze mu ikipe y’igihugu ibi bikamugira umuzamu wa kabiri watsinze ibitego byinshi mu mateka y’isi.