HARAGIRIMANA Dieudonne
Yitwa Kayigire Josue akaba amaze kwamamara cyane ku izina rya Afrique yavuze byinshi ku rugendo rwe rwa muzika avuga uko yatangiye gukora umuziki uko indirimbo ye yise Agatunda yagiye ikundwa cyane ndetse n’ibindi bitandukanye. Ni mu kiganiro Afrique yagiranye n’imwe muri Televiziyo zikorera kuri YouTube.
Nkuko Afrique yabivuze yavuze ko indirimbo Agatunda yagiye kuyikora muri studio kwa NizBeats gusa ubwo yari amaze kuyikora nawe yumvaga ari indirimbo nziza gusa yumvaga atahita ayishyira hanze ahubwo yumvaga ashaka kuyibika akayishyira hanz nyuma gusa uko yagendaga ayumvisha abandi bantu b’inshuti ze bagendaga bamubwira ko ari nziza bituma ayishyira hanze kugeza kuri uyu munsi aho indirimbo yabaye ikimenyabose.
Afrique usanzwe avuka mu Mutara yavuze ko buri gihe iyo atashye muri bisi atahamo indirimbo ye Agatunda iracurangwa ndetse yanavuze ko hari igihe iyi ndirimbo yigeze gucurangwa muri bisi yararimo atashye maze abari muri bisi bose barayiririmba nawe abafasha kuyiririmba kandi batazi ko ariwe nyirayo.
Afrique yakomeje avuga ku bijyanye nuko indirimbo ye Agatunda yashyizwe kuri channel ya YouTube ya Real Pac aho yavuze ko Real Pac ariwe umufasha mu bijyanye n’ubushobozi n’ibindi akenera mu buzima busanzwe bityo akaba ariyo mpamvu indirimbo ye Agatunda yashyizwe kuri channel ya Real Pac.
Afrique kandi yanavuze ku ndirimbo ye nshya yitwa Rompe yashyizwe hanze n’abantu kuri ubu ataramenya gusa yavuze ko iriya yashyizwe hanze ari sample ndetse anabwira abantu bayikunze ko indirimbo ya nyayo yuzuye izasohokana n’amashusho yayo bityo abakunze sample yagiye hanze noneho nibumva bakanabona amashusho y’indirimbo ya nyayo bazayikunda kurushaho.
