HARAGIRIMANA Dieudonne
Rutahizamu w’ikipe ya Real Madrid ndetse n’ikipe y’igihugu ya Brazil Vinicius Aliveiro Junior yagizwe umuyobozi ukomeye ku mugabane w’iburayi.
Mu minsi ishize ubwo ikipe ya Real Madrid yakinaga n’ikipe ya Valencia muri Shampiyona y’igihugu cya Esipanye, yaje gukorerwa irondaruhu (racism) ndetse bisa nk’ibishimangiwe n’ubuyobozi bwa Shampiyona ntibwagira icyo bubikoraho nubwo nyuma bwaje kumusaba imbabazi ari byasaga nkaho byarangiye.
Uyu rutahizamu byaje kumubabaza cyane aza no kujya kumbuga nkoranyambaga ze atangaza amagambo arimo agahinda kenshi ndetse asamirwa hejuru n’ibindi byamamare mu mupira w’amaguru ndetse no mu bindi bice bamufasha kurwanya iki gikorwa cyari cyamukorewe.
Vinicius Jr yaje kugirana ikiganiro na Giani Infantino uyobora ishyirahamwe ry’umupira w’amaguru ku isi baganira kuri iki gikorwa yakorewe ndetse ni uko yakwiyumva mu gihe agizwe umuyobozi.
Giani Infantino ku munsi w’ejo hashize tariki 15 Kamena 2023, uyu muyobozi yatangaje ko Vinicius Jr ari we muyobozi uhagarariye abakinnyi muri komite ya FIFA ishinzwe kurwanya ndetse no guhana abagaragayeho irondaruhu(Racism) mu mupira w’amaguru.
Mu magambo akomeye Giani Infantino yagize Ati” Nta rondaruhu rizongera kugaragara ukundi mu mupira w’amaguru. Nibigaragara ku mukino runaka uzajya uhita uhagarara ako kanya. Birahagije.” Ibi nibyo yatangaje nyuma yo guhura na Vinicius Jr.
